Lokalizazioak
YunoHost
Zerbitzarien kudeaketa errazteko helburua duen sistema eragilea da, jakintza tekniko handia izan ez arren norberak ostatatzeko gaitasuna eskaintzen duena. Debianen oinarritzen da.
Movim
XMPP oinarri duen gizarte sarea da. Norberak bere instantzia instala dezake, beste batzuekin federatu daitekeena nahi izanez gero, baina ez du ActivityPub erabiltzen.
Plume
Blog zerbitzua da. Idazle batek baino gehiagok hartu dezake parte eta bakoitzak blog desberdinak izan. Itzulpena ingrownmink4rekin batera elkarlanean. ActivityPub darabil.
Matrix
Nio, FluffyChat, Ditto eta Syphon programen itzulpenetan parte hartu dut. Matrix komunikazio protokoloa sakelakoan erabiltzeko aplikazioak dira.
Photoview eta Librephotos
Argazkiak partekatzeko programak dira biak ala biak, irudiak publiko eginez edo pasahitz bidez babestuz. Aurpegiak antzemateko gaitasuna ere badute.
Monal eta Siskin
iPhone eta iPad gailuetarako XMPP programak dira (Monal macOSerako ere erabilgai dago). Siskinek oraindik ez du euskarazko lokalizazioa inplementatu.
Swiftfin
Swiftfin Appleren gailuetan Jellyfin zerbitzariek eskaintzen duten edukia kontsumitzeko programa da. Beta fasean dago oraingoz eta euskarazko itzulpena noiz onartuko zain.
Metatext eta Ice Cubes App
iOS sistema eragilerako Mastodon aplikazioak dira. Aplikazio ofizialak eskaintzen ez dituen funtzioak dituzte. Ez dirudi Metatextek eguneraketa gehiago izango dituenik.
Vernissage
iOS gailuetan Pixelfed erabiltzeko softwarea da. Argazkien egiletza, iruzkinak edo gogokoen kopurua xehetasunetan bakarrik dago ikusgai, azpimarra irudietan jarriz.
Elk
Mastodon web-bezero (interfaze) arin bat da. Alfa fasean egon arren nahiko egonkorra da eta etorkizunean ordenagailuetarako aplikazio propioak ere garatzen ari direla dirudi.
Tuba
Mastodon, GoToSocial, Pleroma, Akkoma eta Fedibertsoko beste zerbitzari batzuk erabiltzeko GNOMErako programa itxurosoa da. Flatpak zaporea dauka eta Tootleren kimu bat da.
Whalebird
ActivityPub zerbitzarietako kontuak erabiltzeko ordenagailurako aplikazioa da. Linux, macOS eta Windowserako dago erabilgai. Kontu bat baino gehiago gehitu daiteke.
Lagrange
Gemini protokoloa darabilten interneteko guneetan zehar nabigatzeko programa da. Buran (Android) ere prest dago baina Elaho-ren (iOS) garatzaileak ez du erantzun.
Remmel
Lemmy erabiltzeko iOSerako aplikazioa da. Garatzaileak ez du oraindik euskarazko lokalizazioa aplikazioan txertatu. Utzita dagoela dirudi, ez baitabil Lemmyren azken bertsioekin.
LibreQR
Izenak iradoki bezala, QR kodeak nahieran sortzeko web interfazea da. Edukia, neurria, kolorea… aukeratu daiteke.